Учурда сот реформасынын алгачкы натыйжалары көрүнө баштады. Мындай пикирин президент Сооронбай Жээнбеков Сот реформасы боюнча кеңештин жыйынында билдирди. Ал кылмыштардын жана жоруктардын бирдиктүү реестринин тутумун киргизүү менен, Кыргызстанда кылмыштардын саны көбөйбөгөндүгүн белгилеп, аларды каттоонун сапаты жөн гана жакшырганын кошумчалап өттү. Мамлекет башчысы билдиргендей, учурда мамлекеттик органдарда реформанын алкагында бир катар түзүмдүк өзгөрүүлөр жүргүзүлүп, толук кандуу реформаны жүргүзүү үчүн дагы кандай кадамдарды көрүү керектиги жөнүндө айтып берди. Ал эми укук коргоо органдарынын жетекчилери аткарган иштери тууралуу отчет беришти.