Суук катуулаган сайын “Коломто” жайына үй-жайсыз, көчөдө калган адамдар көп келе баштады

Суук катуулаган сайын Биринчи май районундагы муниципалдык “Коломто” жайына үй-жайсыз, көчөдө калган адамдар көп келе баштады. Бул жай убактылуу түнөп кетүүнү каалагандардан сырткары, социалдык коргоо, тез жардам, милиция кызматтары же жергиликтүү бийлик тарабынан жиберилген адамдарды да кабыл алат. Дээрлик 20 жылга жакын убакыттан берип иштеп келе жаткан мекемени каржылоо үчүн райондук бюджеттен жылына 5 миллионго чукул каражат бөлүнөт.