Свердлов району боюнча 45 объектиге акт түзүлүп, 5 ишканага айып пул салынды

Өзгөчө кырдаал режими уланып, карантин сакталган борбор калаада ишин жанданткан объектилерге санитардык талаптарды так сактоо тапшырмасы коюлган. Жергиликтүү бийлик, милиция жана медицина кызматкерлеринен куралган мобилдик топтор күн сайын рейд өткөрүп, эрежелердин сакталышын көзөмөлдөп жатышат. Бул ирет текшерүү иштери Свердлов районунда жүргүзүлдү. Алгач мобилдик топ салык кызматына баш багып, канча кызматкердин маалымкатына мөөр басылганы, санитардык талаптардын аткарылышын текшерди.