Түрк дүйнөсүнүн инвестициялык фондун түзүү мамлекеттердин кызматташуусун арттырат

Коронавирус пандемиясынын айынан коопсуздук үчүн көптөгөн Саммиттер дагы онлайн форматта өтүп жатат. Алардын бири – 31-мартта өткөн Түрк тилдүү мамлекеттердин кызматташтык кеңешине мүчө-мамлекеттердин башчыларынын жыйыны. Анда Түрк дүйнөсүнүн инвестициялык фондун түзүү, андан ары терең интеграциялоо үчүн иш-аракеттерди жүргүзүү, финансы институтун түзүү жана башка маселелер талкууланды. Саммиттин алкагында туризм, транспорт жана коммуникация кызматташтыгындагы жалпы аракеттерге басым жасоо керектиги баса белгиленди.