Талант Мамытовдун Москвадагы сапары жыйынтыкталды

Президенттин милдетин аткаруучу, Жогорку Кеңештин Төрагасы Талант Мамытовдун Россияга болгон иш сапары жыйынтыкталды. Анын жүрүшүндө Мамытов Мамлекеттик Думанын Төрагасы Вячеслав Володин, Евразиялык экономикалык комиссиясынын Коллегиясынын төрагасы Михаил Мясникович, Көз карандысыз мамлекеттер шериктештигинин Аткаруучу катчысы Сергей Лебедев менен жолугуп эки тараптуу кызматташтык боюнча сүйлөшүүлөрдү өткөрүп кайтты. Талант Мамытов Москва шаарында жашаган кыргызстандыктар менен да жолугуп, эмгек мигранттарына түзүлгөн шарттарды жакшыртуу боюнча жолугушуулар болгонун кабарлады.