«Тарых, маданият жана ынтымак кербени» эстафетасы Нарын облусуна өттү

Баткен облусунун эли «Тарых, маданият жана ынтымак кербени» эстафетасын Нарын облусуна өткөрүп берди. Бир жылдан бери уланган долбоор кыргыз жеринин ыйыктыгын барктап, тарыхый жана учурдун кадырлуу инсандарын даңазалоо максатында облустар арасында өткөрүлүп келет. Эстафетаны алган аймак облустагы тарыхый инсандарды даңазалап, аларды жаштарга таанытуу аракетин көрмөкчү. Салтанаттуу азем Бишкекте өтүп, ага өнөр адамдары жана Баткен менен Нарын облустарынын тургундары катышты.