Ташиев: “Матраимов убада кылган 2 миллиард сомду төлөп бүттү”

500 доллардан 3 миң долларга чейинки акча каражаты Кыргыз-кытай чек арасынан өткөн ар бир автоунаадан алынып турган. Мындай схеманы бажы кызматынын төрагасынын мурдагы орун басары Райым Матраимов башка кызматкерлердин жардамы менен ишке ашырып келгенин УКМКнын төрагасы Камчыбек Ташиев бүгүн өткөргөн маалымат жыйынында кабарлады. Башкы чекист бул ишке жардам берген кишилерден 53 миллион сом өндүрүлгөнүн ал эми Матраимов убада кылган 2 миллиард сомду толугу менен төлөп бүткөнүн маалымдады.