«Тазалыкчылар» жана ыктыярчылар «Ала-Тоо» аянтынан 20 тоннадай таштанды чогултушту

Парламенттик шайлоонун жыйынтыгына нааразы болгон эл митингге чыккан соң, шаарда отургучтар талкаланып, калаанын борбордук бөлүгү таштандыга толуп калган. Тазалык иштерин жөнгө салуу үчүн «Тазалык» ишканасынын кызматкерлери таңкы саат 5тен баштап ишке чыгып, түшкө чейин шаарды таштандылардан тазалап чыгышты. Ыктыярчы жана жөнөкөй жарандар дагы четте карап турган жок.