Тоо-кен тармагында улуттук мыйзамдарды жана эл аралык стандарттарды сөзсүз сактоого өзгөчө маани берилет

Кыргызстанда тоо-кен тармагын эми жаңы шарттарда өнүктүрүү колго алына баштайт. Президент элге кайрылуусунда аталган тармактагы негизги делген өзгөртүүлөрдү белгилеген болчу. Алгач, улуттук мыйзамдарды жана эл аралык стандарттарды сөзсүз сактоого өзгөчө маани берилмекчи. Экинчиден, тоо-кен тармагындагы ишке ашырылган бардык долбоорлордо мамлекеттин үлүшүнүн болушу зарыл. Ошондой эле Улуттук тоо-кен компаниясын түзүү – башкы милдеттердин бири.