УЧАК КЫРСЫГЫН КООМДУК КОМИССИЯ ИЛИКТЕЙТ

Кыргызстандын тарыхында кара так катары калган Дача-Судагы учактын кыйрашынан кийин 5 жыл өтсө да коомчулукта бүдөмүк ойлорго жооп табылбай келет. Эми аларга 18 кишиден турган коомдук комиссия ачык-айкын изилдөө жүргүзүп, акыркы чекитти коймой болду. Белгилей кетсек, 2017-жылдагы каргашалуу окуя боюнча мурда Транспорт прокуратурасы кылмыш ишин козгогон менен кийин кайра токтотулган. Ошондой эле өкмөттүк жана депутаттык комиссиялардын иликтөөсүнүн жыйынтыгы коомчулукка ачык айтылган эмес. Бул ирет бардык маалыматтар дыкат каралып, жыйынтык коомчулукка чыгарыларын комиссиянын мүчөлөрү билдиришти. Теманы кабарчыбыз Мээрим Дүйшөналиева улантат