Узап кеткен жыл Кыргызстандын тышкы саясаты үчүн кандай болду? Министрдин жообу

Узап кеткен жыл Кыргызстандын тышкы саясаты үчүн жемиштүү жылдардын бири болду. Бул тууралуу Тышкы иштер министри Чыңгыз Айдарбеков 2019-жылдагы өлкөнүн тышкы саясатынын ишмердүүлүгүнүн жыйынтыгын чыгарган маалымат жыйында билдирди. Белгилей кетсек, былтыр Президент Сооронбай Жээнбековдун катышуусу менен 138 сапар болгон. Кыргызстанда бир катар ири эл аралык иш-чаралар уюуштурулуп, ийгиликтүү аяктаган. Ар бир жолугушуунун соңунда кандай реалдуу жыйынтыктарга жетишилди?