Өзбекстандан Кыргызстанга миң тонна буудайдын үрөөнү алынып келет

Кыргызстан менен Өзбекстандын ортосунда айыл чарба багытында бир топ макулдашуулар жетишилди. Анда 1000 тонна күздүк буудай жана 500 тонна пахтанын үрөнүн алып келүү, күнөскана куруу, бакчаларды салуу боюнча макулдашылды. Андан сырткары Өзбекстан мөмөлүү дарактын 10 миң көчөтүн акысыз бермей болду. Айыл чарба азыктарын, анын ичинде эт, картөшкө, минералдык жер семирткичтер жана мөмө-жемиштерин экспорттоо-импорттоо боюнча дагы макулдашуулар орун алды.