Жаңы Баш мыйзамдын өзгөчөлүгү социалдык багытта болгондугунда

Өлкөнүн тагдырына кайдыгер карабаган Бишкек жана Чүй облусунун активдүү тургундары жаңы Конституцияны тегерек стол форматында талкуулашты. Алар Баш мыйзамдын жаңы долбоорун колдоп, өлкөнүн тез арада өнүгүшүнө, элдин жашоо турмушунун оңолушуна үмүт артышат. Көпчүлүктүн пикирине караганда эл жоопкерчиликсиз бийликтен жана коррупциянын жайылып, элдин жашоо-турмушу начарлаганына нааразы. Ошол себептүү күчтүү өлкө, күчтүү экономика жана стабилдүү жашоо үчүн реформалар керек экенин белгилешет.