Жайыл районундагы аймактык ооруканага жаңы жандандыруу бөлүмү салынды

Жайыл районунун Бириккен аймактык ооруканасында жаңы бардык шарты каралган анестезиология жана жандандыруу бөлүмү ишке берилди. Анда 9 орун каралып, тиешелүү бардык жабдыктар менен камсыз болгон. Курулуш иштери 2019-жылдын июль айында башталып, АРИС тарабынан 8 млн сомдон ашык каражат бөлүнгөн. Жандандыруу бөлүмүндө дарыгерлер үчүн иштөө бөлмөлөрү, ашкана, кийим алмаштыруу жайы салынган.