Жапаровдун инаугурациясы 28-январда, саат 10.45те башталат

28-январда жаңы шайланган президент Садыр Жапаров расмий түрдө кызматына киришет. Инаугурация учурунда борбор калаадагы коомдук коопсуздукту 2500дөн ашык милиция кызматкери камсыздайт. Ички иштер министрлигинин басма сөз кызматы азем учурунда Манас, Чыңгыз Айтматов жана Чүй проспектилериндеги негизги жолдордо, каршы тилкелерде коомдук жана жеке транспорттордун кыймылына эч кандай чектөөлөр киргизилбей турганын билдирди. Негизги трассадагы жол кесилиштердеги эки тараптуу жол кыймылы кадимкидей эле кыймылда болот.