Жапаровдун Өзбекстанга мамлекеттик сапары башталды

Президент Садыр Жапаровдун Өзбекстанга мамлекеттик сапары башталды. Кыргыз ажосун «Ташкент» аэропортунда Өзбекстандын Премьер-министри Абдулла Арипов тосуп алды. Садыр Жапаров иш сапарынын алкагында Өзбекстан Президенти Шавкат Мирзиёев менен эки тараптуу сүйлөшүүлөрдү жүргүздү. Иш сапардын жүрүшүндө Жапаровдун Өзбекстандын Олий Мажлисинин Сенатынын Төрайымы Танзила Нарбаева, Олий Мажлистин Мыйзам чыгаруу палатасынын Төрагасы Нурдинжон Исмоилов жана Өзбекстандын Премьер-министри Абдулла Арипов менен эки тараптуу жолугушуулары пландаштырылууда.