ЖАШООНУ ЖЕҢИЛДЕТКЕН САНАРИП КЫЗМАТТАР

Мамлекеттик кызмат көрсөтүүнүн сапатын жогорулатуу иштерин күчөтүү зарыл. Бул туурасында Санариптик өнүктүрүү министрлигинин 2021-жылдын жыйынтыгы жана үстүбүздөгү жылга милдеттери боюнча коллегиялык жыйынында белгиленди. Отурумда министрлик тарабынан жетиштүү көңүл бурулбай жаткан бир катар олуттуу маселелер айтылып, мамлекеттик органдардагы документ алмашууларды электрондук форматка өткөрүүнү тездетүү керектиги айтылды.