Жеңил өнөр жайын кризистен чыгаруу жолдору сунушталды

Пандемия учуру өлкөдөгү жеңил өнөр жайга, орто жана чакан бизнеске ошондой эле туризм тармактарына олуттуу зыян келтирип жатканы айдан ачык көрүнүп турат. Кээ бир ишканалар ишин токтотуп койгон болсо, тигүү тармагындагы өндүрүштүн көлөмү эки эсеге азайган. Ошол эле учурда жумуш орундары кескин кыскарып, жумушсуздуктун саны да өсүүдө. Учурда Өнөр жай, энергетика жана жер казынасын пайдалануу мамлекеттик комитети жаралган көйгөйлөрдү кыска убакыттын ичинде жоюуга бир топ иш-аракеттерди көрүүдө.