Дүйнө жүзүндө жол кырсыгынан ар 24 секундда бир адам көз жумат. Буга айдоочулардын эреже бузушу жана жөө жүргүнчүлөрдүн өз коопсуздугуна болгон кайдыгерлиги себеп болууда. 17-ноябрь — жол кырсыгынан набыт болгондорду эскерүү күнүнө карата Чүй облустук ички иштер башкармалыгы жана облустук жол кыймылынын коопсуздугун камсыз кылуу башкармалыгы эскерүү иш-чарасын өткөрдү. Ага жол инспекторлору, эл өкүлдөрү, активисттер, студенттер жана мектеп окуучулары катышты.