Ат-Башыдагы логистикалык борбордо кандай заводдор курулат?

Нарын облусунун Ат-Башы районунда 15 миңдей кишини жумуш менен камсыз кыла турган индустриялык-соода-логистикалык борбор курулганы турат. “Ат-Башы кыргыз-кытай эркин соода аймагы” ЖЧКсынын жетекчиси Эмилбек Абдыкадыровдун айтымында, учурда бир топ чет өлкөлүк компаниялар менен сүйлөшүүлөр жүрүүдө. Алардын ичинде электромобиль чыгарган төрт компания, чөнтөк телефондун дисплейин жасай турган компания, түрктөрдүн текстиль компаниясы, кагаз чыгара турган ишкана жана башкалар бар.