КР кургак учукка каршы кызматын санариптештирүү

Президент Сооронбай Жээнбеков күн мурун Улуттук фтизиатрия борборунда болуп, кургак учукка каршы кызматынын иши менен таанышты. Мамлекет башчысы пилоттук режимде айрым ооруканаларда иштеп жаткан маалымат системаларынын сапатын жана ыңгайлуулугун баалады. Айтмакчы, Жээнбеков Кыргызстандын кургак учукка каршы кызматынын 93 жылдык тарыхында анын көйгөйлөрүнө жеке назарын бөлүп, талкуулаганга даяр болгон биринчи мамлекет башчы. Ал ортодо Саламаттык сактоо министрлиги пилоттук тажрыйбанын негизинде бардык кургак учукка каршы кызматын санариптештирүү чечимин кабыл алганы белгилүү болду.