Кыргызстандын айрым аймактарына өзгөчө абал киргизилди

Эми өзгөчө абал жарыяланган аймактарда коменданттык саат күчүнө кирет. Бул — кечки саат 20:00дөн эртең мененки 7:00гө чейин кыймыл токтойт дегенди түшүндүрөт. Бул тууралуу бүгүн атайын уюштурулган пресс-конференцияда Куралдуу күчтөрдүн Башкы штабынын жетекчиси Райымберди Дүйшөнбиев жана Бишкек шаарынын коменданты Алмазбек Орозалиевдер билдиришти. Алар баш калаанын жана режим киргизилген аймактардын меймандары бүгүн түнкү саат он экиге чейин, башкача айтканда, эртеңки коменданттык саат күчүнө киргенге чейин аталган аймактардан чыгып кетүүсү керектигин белгилешти.