1-ОКТЯБРДАН БАШТАП АСКЕРЛЕРДИН АЙЛЫКТАРЫ КӨТӨРҮЛӨТ

Каражат бар. Финансы министрлиги аскер кызматчыларынын айлыгын көтөрүүгө булактар бар экенин маалымдады. Буга чейин кол коюлган жарлыкка ылайык 1-октябрдан тарта аскер кызматчыларына жана укук коргоо органдарынын кызматкерлерине кызмат өтөө үчүн үстөктөрдү жылдык эмгек акы фондунун 80 пайызына чейин жогорулатуу мерчемделген. Аны менен бирге келерки айдан баштап пенсиянын жогорулашы да күтүлүүдө.