118 ыкчам кызматы иш тартибин өзгөрттү

6

Жарандарга коронавирустун белгилерин аныктоо жана дарылануу боюнча аралыктан акысыз кеңеш берип турган 118 ыкчам кызматы толук кандуу иштеп жатат. Бирок, иш тартиби мурдагыдан өзгөртүлдү. Ага карабай, борбордун кызматкерлери калкка өз убагында медициналык кеңеш берүүнү, COVID-19 жөнүндө коомчулукка так жана ар тараптуу маалымат таркатууну улантууда. Мындан улам жарандар өз алдынча дарылана бербей, 118 ыкчам кызматына кайрылуусу абзел. Чалуу акысыз.