14-июндан кийин Баткендин Лейлек районунда чек арачыларга шаарча курула баштайт

Келерки жумада Баткен облусунун Лейлек районунда чек арачыларга аскердик шаарча курула баштайт. Бүгүнкү күндө шаарчага бөлүнгөн жер тилкесин трансформациялоо иши күчүндө. Белгилей кетсек, Коопсуздук кеңеши Лейлек районуна аскер шаарчасын куруу чечимин 2019-жылдын июль айында чыгарган. Ушул жылдын 6-майында президент Садыр Жапаров жаңы объекттин курулушуна капсула салып, чек ара маселелери анын ишиндеги эң жогорку приоритеттердин бири экендигин белгилеген.