Анталияда Кыргызстандын башкы консулдугу ачылат

11

Жакын арада Түркиянын Анталия шаарында Кыргызстандын башкы консулдугу ачылат. Мындан ары да мекендештер көп жашаган райондордо дипломатиялык жана консулдук өкүлчүлүктөрдү кеңейтүү боюнча иштер улантылмакчы. Бул туурасында Президент Садыр Жапаров Түркияга болгон расмий сапарынын алкагында мекендештер менен жолукканда билдирди. Мамлекет башчысы Түркияда иштеп, билим алып жүргөн кыргызстандыктар менен ачык-айкын сүйлөшүп, алардын суроолоруна да жооп бергенге жетишти. Ошондой эле Президент Мамлекеттик миграция кызматынын тышкы миграция чөйрөсүндөгү функциялары Кыргызстандын Тышкы иштер министрлигине өткөрүлүп берилгенин, бул эмгек мигранттарынын бир катар маселелерин ыкчам чечүүгө жардам берерин айтты.