Артем Новиков: «Инвесторлор долбоорлорду баштоого даяр!»

Пандемияга карабастан, инвесторлор долбоорлорду баштоого жана жаңы жумуш орундарын түзүүгө даяр. Бул тууралуу Ысык-Көл облусуна иш сапары менен барган премьер-министрдин милдетин аткаруучу Артем Новиков билдирди. Ал учурда көптөгөн инвесторлор жер тилкелерин алуу боюнча көйгөйлөргө туш болуп жатканын кошумчалды. Мындан улам жергиликтүү бийликке инвестициялык долбоорлорду ишке ашырууда максималдуу жардам көрсөтүү тапшырмасын койду.