Арзымат Алдаяров: Жаратылыш газына болгон тариф доллардын баасынан гана көз каранды

Кыргызстанда башка өлкөлөргө салыштырмалуу көк отундун баасы кымбат. Бул маселе жаратылыш газын пайдаланып келген жарандарды дайыма тынчсыздандырып келет. Жалпысынан республика боюнча 38 калктуу конуш жана турак жай аймактары газ менен камсыз болгон. Акыркы учурда бул жарандар газга болгон бааны төмөндөтүү үчүн аракеттер көрүлбөй жатканын айтып, нааразы болушууда. Ал эми адистер өлкөдө газдын наркынын жогорулашы доллардын өсүшү менен байланыштуу дешет.