Ат-Башыдан чыккан сүт продукциялары Орусияга экспорттоло баштайт

Бизнести стимулдаштыруу жана кризистен кийинки мезгилде ата мекендик өндүрүүчүлөрдү колдоо — бул өлкөнүн экономикасын калыбына келтирүү боюнча биринчи милдет болуп саналат. Белгилей кетсек, май айында президент Сооронбай Жээнбеков өлкөдө ишкердикти колдоо жана өнүктүрүү боюнча жаңы программа сунуш кылган. Бүгүн Президент Сооронбай Жээнбеков жеңилдетилген насыялардын жардамы менен Нарын облусунда жигердүү иштеп жаткан бир нече ишканаларды кыдырды. Алардын катарында сүттү кайра иштетүүчү ишкана бар, бул ички продукцияны экспорттоого мүмкүндүк берет.