Баткен менен Фергананын ишкерлери кызматташат

Кыргызстан менен Өзбекстандын ортосундагы эки тараптуу кызматташууну өнүктүрүү жолдору жергиликтүү деңгээлде дагы талкууланып жатат. Өкмөттүн Баткен облусундагы ыйгарым укуктуу өкүлүнүн орун басары Эрлан Сапарбаев баштаган жергиликтүү өз алдынча башкаруунун өкүлдөрү Өзбекстандын Фергана облусунун губернаторунун орун басары Мухсинхуджа Абдурахманов менен жолугушту. Эки тараптуу жолугушуу Баткен облусунун Кадамжай шаарында болду. Ага Баткен жана Фергана облустарынын ишкерлери катышты..