Бишкек ЖЭБин модернизациялоо иши: Сот айыпталуучуларды 12-декабрга чейин камакта калтырды

Өткөн жылдын 26-январында Бишкек ЖЭБинде авария болуп, кыштын кычыраган чилдесинде жылуулуксуз калганы шаардыктардын күнү бүгүнкүдөй эсинде. Андан бери эки жылга жакындап калды. Аварияга күнөөлүүлөр, ЖЭБди оңдоп түзөөдөн акча уурдагандар аныкталып, айыптары угузулуп, иштери соттун кароосунда. Бишкек шаардык сотунун Свердлов райондук соту ишти карап жатат.