Бишкек ЖЭБин модерницазиялоо иши боюнча соттук отурумдар бүгүнкү күнгө чейин бүтпөй келет. Бүгүн да Свердлов райондук сотунда кезектеги отурум улантылып, анда сот иштин материалдарын изилдөөгө өттү. Чубактын кунундай чубалган бул иште судья Инара Гилязетдинова төрагалык кылууда. Ал материалдын маанилүү жерлерин окуп, тараптар кайра окууну суранган жерлерине кеңири токтолуп берди.