Бишкекте эпидемиологиялык кырдаал курчуй баштады

Бишкекте эпидемиологиялык кырдаал курчуй баштады. Бул тууралуу Саламаттык сактоо министри Сабиржан Абдикаримов бүгүн маалымат жыйында билдирди. Ал санитардык эрежелерди шаар тургундары сактабай, кайдыгер карап жатканын айтып, мурда эпидемиологиялык абалдын курчушу өлкөнүн түштүк аймагында катталып келсе, соңку убактарда борбор калаада көбөйүп жатканын баса белгиледи. Мындан улам, министр шаардыктарды зарыл болбосо, жарандар көп чогулган жайларга барбоону, социалдык аралыкты сактоого чакырды.