Борбор калаадагы бала бакчалар бөбөктөргө эшигин ачты

9-марттан тарта Бишкектеги бала бакчалар иштей баштаганын мэриянын маалымат кызматы кабарлады. Бакчалар толук ачылганы менен бардык тайпанын балдары барбайт. Азырынча эки багытта билим берген тайпалар гана ачылган. Ар биринде 10 баладан өз-өзүнчө топко бөлүнүп тарбияланат. Мэрия санитардык нормалар сакталышы керектигин эскертүүдө. Ордо калаадагы бакчалар былтыр март айында жабылып, ошол бойдон бөбөктөр мектепке чейинки билим берүү мекемелерине бара элек болчу.