Чүй ОИИББнын башчысы Самат Курманкулов өзүнө келди

Чүй ОИИББнын мурдагы башчысы Самат Курманкулов өзүнө келди. Бул тууралуу ИИМдин медицина кызматынын башчысы Нурдин Метеров Кой-Таш окуясын иликтөө боюнча мамлекеттик комиссиянын отурумунда билдирди. Буга чейин Самат Курманкуловдун абалы акырындык менен жакшы болгондугу, ал сүйлөй албаса дагы баардык кыймылдарга реакция берип жаткандыгы тууралуу маалымат тараган. Бүгүн өкмөттө өткөн комиссиянын отурумунда Саламаттык сактоо минисри Космосбек Чолпонбаев жаракат алган жарандар тууралуу маалымат берди.