COVID-19: Стационарлардагы бош орундардын саны map.covid.kg сайтына жайгаштырылат

Борбор калаада COVID-19га чалдыккан жарандарды кабыл алуу үчүн, буга чейин жабылган кошумча орундуктар четинен ачыла баштады. Бүгүнкү күндө шаар боюнча 11 стационар бейтаптарды кабыл алууда. Ар бир жаран коронавирус менен ооругандарды дарылоочу медициналык мекемелердин дареги, байланыш телефондору, бош орундардын саны тууралуу маалыматтарды map.covid.kg сайтынан тааныша алат. Бардык стационарларда кычкылтек концентраттар, дары-дармектер жана жеке коргонуучу каражаттар жетиштүү экенин министрликтен белгилешүүдө.