COVID-19: Улгайгандар коронавируска көп чалдыга баштады

Кыргызстанда октябрь айынан баштап коронавируска, анын ичинде пневмонияга кабылгандардын саны арбып барат. Күн сайын 500дөн ашык адамдан илдет аныкталууда. Республикалык штабдан маалымдалгандай, жаңы учурлардын көбү Чүй, Ош, Баткен жана Жалал-Абад облусунда байкалып жатат. Өткөн айларда өлүмдүн саны да аз болгон. Ушу тапта кайрадан вирус жуктургандардын арасында күн сайын көз жумгандар катталууда.