Эгемендүүлүк күнү Бишкекте кандай белгиленди?

Эгемендүүлүк майрамы «Ала-Тоо» аянтында президент Сооронбай Жээнбековдун катышуусунда онлайн форматта өттү. Борбордук аянтка пандемия учурунда элдин саламаттыгы үчүн жан аябай күрөшкөн ак халатчандар, жаш ыктыярчылар, укук коргоо органдарынын жана аскер күчтөрүнүн өкүлдөрү чакырылды. Иш-чара концерттик программа менен коштолду. Майрам мамлекеттик телеканалдар жана социалдык тармактар аркылуу жалпы элге көрсөтүлдү.