Эки күндө мектепке беш миң окуучу электрондук кезекке турду

Дүйшөмбүдөн тарта “Мектепке электрондук каттоо” автоматташтырылган маалымат тутумунун порталы иштей баштады. Балдарды биринчи класска кабыл алуу үчүн электрондук каттоо- Бишкек, Ош, Жалал-Абад, Кызыл-Кыя жана Кара-Балта шаарларында жүргүзүлүүдө. Мектепке электрондук каттоо эки багытта ишке ашат. Биринчиси — жашаган жери боюнча тийиштүү мектептерге каттоого тургандар. Экинчи багыт — жашаган аймагынан сырткары жайгашкан билим берүү мекемелерин тандагандар. Ага кандай документтер керектелет?