ЭЛ ИШЕНИМИ — ИЙГИЛИКТИН ЭҢ МААНИЛҮҮ КЕПИЛДИГИ

Элдин ишеними — ийгиликтин эң маанилүү кепилдиги! Президент Садыр Жапаровго элдин 92 пайызы ишеним артат. Мындай баалоо АКШнын сапаттуу, көз карандысыз жана ырааттуу сурамжылоо жүргүзгөн Эл аралык Республикалык Институтунун маалыматында айтылат. Сурамжылоого катышкан өлкөнүн бардык аймактарынын жашоочуларынын 85 пайызы Кыргызстандагы аткарылып жаткан иштер туура нукта баратканын билдиришкен. Элдин көз карашынын 85 пайызга жетиши бул уюмдун 2005-жылдан берки өткөргөн сурамжылоосунун тарыхындагы эң жогорку көрсөткүч экенин саясат талдоочулар жана серепчилер белгилешүүдө.