Грузиянын Абхазия регионунан келген унааларды каттоо мүмкүн эмес

Грузиянын Абхазия регионунун номерлери менен жүргөн унаалар ЕАЭБдин бажы мыйзамдарынын ченемдерин бузууда. Өкмөт аталган аймактан келген чуулгандуу унаалар боюнча түшүндүрмө берди. Абхазиядан келген темир тулпарлардын ээлери бир нече жолу митингдерге чыгып, аларды пайдаланууга уруксат берүүнү талап кылышкан. Бирок Евразия экономикалык бирлигинин кодексинде даана көрсөтүлгөндөй: альянска мүчө өлкөдө катталбаган убактылуу алынып келген автолор Кыргызстандын жолдорунда бир жылдык мөөнөттө гана жүрө алышат.