Кийинки айларда пенсия кандай төлөнүп берилет?

Кыргызстанда 1-октябрдан тарта пенсиянын көлөмү жогорулады. Буга ылайык, 4 миң 286 сомдон ашпаган пенсиялар эң аз дегенде 300 сомго, ал эми өлчөмү андан жогору пенсия акысына 360 сомдон кем эмес кошулду. Эсептөөнүн жыйынтыгы менен бааракы бул ирет орточо 400 сомдун тегерегинде жогорулап, пенсиянын орточо суммасы 6 миң 61 сомду түздү. Учурда бардык пенсионерлер социалдык акыны жогорулатылган жаңы өлчөмдө алышууда.