ӨКМ: Бишкек-Ош жолунда жүргүнчүлөргө ысык тамак-аш, атайын жылытуучу пункттар даярдалды

Күз-кыш мезгилинин келиши менен өлкөнүн стратегиялык мааниге ээ жолдорунда, тоолуу аймактарда, жүргүнчүлөрдүн коопсуздугун камсыздоо аракеттери күчөтүлгөн тартипте жүргүзүлүүдө. Буга ылайык, Өзгөчө кырдаалдар министрлигинин куткаруучу тобу, ИИМдин жол кыймылынын коопсуздугун камсыздоо башкармалыгынын, Транспорт министрлигинин жана медицина кызматкерлери, тоолуу жана кооптуу делген аймактарда күнү-түнү нөөмөттө турушат. Куткаруучулар алыс жолго чыгып бараткандарды темир тулпарын алдын ала даярдап, эрежелерди сактоого чакырат.