Коррупция менен аёсуз күрөш башталдыбы?

Кыргызстанда өлкөнүн капчыгына кол салган мурдагы аткаминерлерди жана учурдагы мамлекеттик кызматкерлерди жоопко тартуу иштери уланууда. Президент Садыр Жапаров шайлоо өнөктүгү учурунда өлкөдөгү коррупция менен аёсуз күрөш жүрөөрүн убада кылган. Бул боюнча УКМКнын башчысы бардыгын түрмөгө камоо негизги максат эмес экенин, бирок мамлекеттен уурдалган каражаттарды, мүлктөрдү кайрадан кайтаруу керек экенин билдирген.