“КУМТӨР” 2022-ЖЫЛДАН ТАРТА ҮЗҮРҮН БЕРЕ БАШТАЙТ

Кумтөр кени быйылкы жылдан баштап өзүнүн оң натыйжасын бере баштайт. Эл өкүлдөрү кыргыз тарап менен канадалык компаниянын ортосундагы өз ара дооматтарды жөнгө салуу жөнүндөгү маселени карап, колдоп берди. Өз кезегинде өлкө башчысы депутаттарга ыраазычылык билдирип, алдыда дагы ири долбоорлор күтүлүп жатканын айтты. Ал эми экономисттер өлкөдөгү эң ири алтын кени өлкө үчүн толук кандуу иштеп баштаса, экономикага чоң салым болорун белгилешет.