КЫРГЫЗ-КАЗАК КЫЗМАТТАШТЫГЫ. ТАРЫХЫ ЖАНА КЕЛЕЧЕГИ

Кыргызстан менен Казакстандын достук, туугандык байланышы, тили, салт-санаасынын окшоштугу коңшулук мамилени бекемдеп турат. Чек арасы чектеш жайгашкан боордош эки өлкө саясий, экономикалык, маданий жактан кызматташтыктарын улантып келет. Айрыкча соода жүгүртүү жакшы жолго коюлган. 2022-жылдын январь-март айларында Казакстан менен Кыргызстандын ортосундагы соода жүгүртүү 250 млн долларга чамалады. Бул былтыркы жылга салыштырмалуу 22 %га өскөн. (2) Саналуу күндөн кийин Казакстан Президенти Касым-Жомарт Токаев Бишкекке расмий сапар менен келет. Алдыдагы сапар мындан ары да кыргыз-казак алакасынын достук жана союздаштык мамилелерин бекемдөөгө түрткү берерин серепчилер айтышууда. Айьза Камчыбекова кененирээк.