Кыргызстанда 82 миң 495 адам коронавирус жуктурган

Кыргызстанда коронавирустан жалпы 1 миң 374 жаран көз жумган. Бул тууралуу саламаттык сактоо министринин орун басары Нурболот Үсөнбаев брифингде билдирди. Бүгүнкү күнү стационарларда коронавирустан 808 бейтап, амбулатордук түрдө 1 миң 203 адам дарыланууда. Кыргызстанда пандемия башталгандан бери 82 миң 495 адам коронавирус жуктурган. Алардын ичинен 78 миң 181 киши айыгып чыккан.