Кыргызстандагы тоо-кен тармагындагы компаниялардын ишмердүүлүгүн атайын түзүлгөн комиссия иликтеп чыгат

Инвестициялык долбоорлорду ишке ашырууда элдин жана мамлекеттин кызыкчылыгы жогору коюлат. Бул тууралуу Президенттин милдетин аткаруучу, Премьер-министр Садыр Жапаров Жалал-Абад облусунун Ала-Бука, Чаткал райондорунун эли менен жолугушканда билдирди. Жапаров учурда иштеп жаткан тоо-кен тармагындагы компаниялардын ишмердүүлүгүн атайын түзүлгөн комиссия иликтеп чыгарын айтты. Ошондой эле ал тоо-кен тармагынын продукциясын мындан ары концентрат катарында чет өлкөгө чыгарууга бөгөт коюуларын белгиледи. Иш сапардын алкагында дагы кандай орчундуу маселелер боюнча сөз болду?