Бишкек эркин экономикалык аймагында, аары азыктарын өндүрө турган “Бал Аман” аталышындагы цех ачылды. Ишкананын ичинде балдын сапатын көзөмөлдөй турган заманбап лаборатория дагы бар. Мында өндүрүлгөн кыргыз балы эми Америка, Кытай, Түштүк Корея, Япония сыяктуу ири мамлекеттерге экспорттоло баштайт. Учурда Араб өлкөлөрүнө экспорттоо тууралуу сүйлөшүүлөр жүрүп жатат.