Өлкөдөгү стабилдүүлүк баарынан маанилүү

Коомдук ишмерлер маалымат жыйында кыргызстандыктарды ар кандай провокацияларга алдырбоону, туура чечим кылып, өлкөнүн келечегин ойлоого чакырышты. Алар жарандарды алдыдагы Жогорку Кеңештин депутаттарын шайлоону тынч өткөрүп алууга үндөштү. Өлкөдө стабилдүүлүк болгондо гана чет өлкөлүк инвесторлор келерин, экономика өсөрүн жана өнүгүү болорун билдиришти. Алар ошондой эле саясий партиялардын өкүлдөрүнө кайрылып, тынчтыкты сактоого жана тарапташтарын ар кандай акцияларга чыгарбоого чакырышты.